§ masala yechishni birgalikda oʻrganamiz

7-masala.. 9 va 11 litrlik ikkita idish yordamida qanday qilib ariqdan 10 litr suv olish mumkin?
Javob:

Idish	Quyishlar
11 litrlik	–	11	2	2	–	11	4	4	–	11	6	6	–	11	8	8	–	11	10
9 litrlik	–	–	9	–	2	2	9	–	4	4	6	–	6	6	9	–	8	8	–

8-masala. Xaltada 242 ta tanga bor bo’lib, ulardan faqat bittasi qalbaki, qolganlari esa haqiqiy. Haqiqiy tangalarning og’irliklari bir xil bo’lib, qalbaki tanganing og’irligi haqiqiy tanga og’irligidan biroz kam.
Tangalarni hech qanday tarozi toshi bo’lmagan pallali tarozida 5 marta tortish yordamida qalbaki tangani aniqlang.
Javob: Oldin tarozi pallasiga 81 tadan tanga qo’yamiz. Bu tortish bizga ichida qalbaki tanga bo’lgan 81 ta yoki 80 ta tangadan iborat to’pni aniqlab beradi. Ikkinchi marta tarozi pallariga shu aniqlab olgan to’pdan 27 tadan tanga qo’yamiz. Bu tortish bizga ichida qalbaki tanga bo’lgan 27 yoki 26 ta tangani aniqlab beradi. Uchinchi marta pallaga 9 tadan tanga qo’yamiz. Bu holda ichida qalbaki tanga bo’lgan 9 ta yoki 8 ta tangadan iborat to’pni ajratib olamiz. To’rtinchi marta pallaga 3 tadan tanga qo’yamiz va 3 ta yoki 2 ta tangani ajratib olamiz. Nihoyat, beshinchi marta pallaga bittadan tanga qo’yamiz va qaysinisi qalbaki ekanini topamiz.
9-masala. Kassada faqat 1, 2, 5 tiyinlik tangalar bor bolsa, 20 tiyinni necha xil usul bilan maydalash mumkin?
Javob: 29
10-masala. Kassada faqat 1, 2, 5, 10 tiyinlik tangalar bor bolsa, 50 tiyinni necha xil usul bilan maydalash mumkin?
11-masala. Ikkita bir xil idishda birida oq ichimlik, ikkinchisida qizil ichimlik bor. Qizil ichimlikdan oqiga bir tomchi tomizildi. So’ngra hosil bo’lgan aralashmadan qizil ichimlikka bir tomchi tomizildi. Qizil ichimlikdagi oq ichimlik ko’pmi yoki oqidagi qizilmi?
Javob: Teng
12-masala. Aholini ro’yxatga olish vaqtida hisobchi bir xonadon sohibidan bolalarning soni va yoshini so’raganda, unga uy egasi shunday javob berdi:” Mening hamma bolalarim o’quvchi, ularning yoshlari ko’paytmasi 1980 ga teng”. Bu ma’lumot hisobchiga bu xonadon sohibi bolalarining soni va yoshini topish uchun yetarli bo’ldi.
Siz ham buni toping-chi.