1 amaliy mashg’ulot. Avtomatlashtirish sohasidagi loyiha ishlarini bajarish tartiblari. Meyoriy, standart va ko’rsatma hujjatlar tarkibi

Loyiha hujjatlarini tayyorlashda meyoriy va ko‘rsatma materiallar

Ishlab chiqarish jarayonlarini avtomatlashtirshda hal qilinadigan masalalar mutaxassislardan turli avtomatika vositalarining to‘zilishi va ishlash prinsiplari, avtomatik sistemalarining turli ko‘rinishlari va sinflarini yasash usullarini bilishni ham texnologik jarayonlarini avtomatlashtirish soxasidagi ishlar bilan birga aniq va bir qiymatli almashish mumkin bo‘lgan texnik tilni egallashni ham talab qiladi. Bu biror texnologik jarayonni avtomatlashtirshning mantiqiy hisoblangan va texnik jihatdan asoslangan sistemasini montaj qilish, sozlash va ishlatish masalalari bilan shug‘ullanuvchi mutaxassislar uchun birday tushunarli bo‘lgan shaklda ifodalanishi kerak. Bunda barcha mutaxassisliklarda yaratilayotgan avtomatlashtirish sistemasini tushunish maxsus ishlab chiqariladigan texnik hujjatlar vositasida ta’minlanadi. Loyiha hujjatlarini yaratish, shakllantirish, tasdiqlash turli meyor, qoida, standartlar bilan reglamentlashtirilgan. Bularga quyidagilar kiradi:

СПДС (QLHS) – qurilish uchun loyiha hujjatlarining sistemasi
СНиП (QMvaQ) – qurilish meyorlari va qoidalari
ВСН (TQM)– tarmoq qurilish meyori
ЕСКД (KHYS) – konstruktorlik hujjatlarining yagona sistemasi
ГОСТ (DS) – davlat standarti
ОСТ (TS) – tarmoq standarti
РМ (KM) – ko‘rsatma materiallar
Loyihalashning texnik topshiriqlariga quyidagilar kiradi:

• 
  Loyihalashtirilayotgan texnologik ob’ktning tarkibi, jarayonning qisqacha bayoni
  
• 
  qurilma, jihoz va uskunalarning xarakteristikasi
  
• 
  atrof-muhitning xarakteristikasi
  
• 
  nazorat va rostlanadigan parametrlarning qiymatlari
  
• 
  nazorat va rostlashda ruxsat etilgan hatolar va asboblarning funksional belgilari (ko‘rsatish, qayd etish, integrallash, signallash va shu kabilar).
  

Loyihada quyidagi hujjatlar tayyorlanadi:

1. Nazorat va boshqarishning tarkib sxemasi (murakkab boshqarish sistemalari uchun)

2. Texnik vositalar kompleksining tarkib sxemalari
3. Avtomatlashtirish vositalari kompleksining tarkib chizmalari
4. Texnologik jarayonlarning funksional sxemalari
5. Shchit, pult, hisoblash texnikasi vositalarining joylashtirish rejalari
6. Asbob va avtomatlashtirish vositalari, elektr apparatlar, shchit va pultlar, montaj buyumlari, nostandart buyumlar uchun buyurtma hujjatlar
7. Nostandart jihozlar tayyorlash uchun texnik talablar
8. Tushuntirish xati
9. Bosh loyihachiga topshiriqlar bu topshiriqlarda avtomatlashtirish vositalarini elektr energiya, siqilgan havo bilan ta’minlash, shuningdek avtomatlashtirish sistemalari uchun xonalarni loyihalash kabilar beriladi.