2-ci və 3-cü sətirlər “İdxal” və “İxrac”. Bu sətirlərdə xam neftin idxal və ixracı ilə məşğul olan fiziki və ya hüquqi şəxslər tərəfindən ölkəyə gətirilən və ölkədən çıxarılan neftin həcmi göstərilir. Beynəlxalq metodologiyaya əsasən yüklərin gömrük rəsmiləşdirilməsinin baş verib-verməməsindən asılı olmayaraq, məhsulun ölkənin milli sərhədlərini keçən zaman idxal-ixrac əməliyyatları baş vermiş hesab edilir. Ölkə ərazisindən tranzitlə keçən xam neft idxal-ixrac göstəricilərində nəzərə alınmır.
4-сü sətir “Beynəlxalq reyslər üzrə üzən gəmilərin yanacaq çənlərinə yanacaq doldurulmuşdur”. Gəmilərdə xam neftdən yanacaq kimi istifadə olunmadığı üçün bu sətir boş saxlanılır.
5-ci sətir “Ehtiyatların (qalıqların) dəyişməsi”. Ehtiyatların səviyyəsi müəyyən vaxt anına ölçülür. Ehtiyatların dəyişməsi hesabat dövrünün əvvəlinə olan ehtiyatlardan hesabat dövrünün sonuna olan ehtiyatları çıxmaqla hesablanır. Hesabat dövrünün sonunda ehtiyatlar artdıqda rəqəm « - » işarəsi ilə yazılır. Xam neftin ehtiyatları enerji daşıyıcıları istehsalçılarında, idxalçılarında, neft emalı müəssisələrində, onun ticarəti ilə məşğul olan müəssisələrdə ola bilər.
Dostları ilə paylaş: |
