13-cü sətir “Qeyri-enerji məqsədli son istehlak”. Qeyri-enerji məqsədləri üçün naftadan nəqliyyat (13.3-cü altsətir) istisna olmaqla, kimya sənayesində (13.1-ci altsətir) və sənayenin digər sahələrində (13.2-ci altsətir) istifadə oluna bilər.
14-cü sətir “Enerji məqsədli son istehlak”. 14.01–14.11-ci altsətirlərdə sənayenin sahələri üzrə enerji məqsədi ilə istehlak olunmuş naftanın miqdarı göstərilir. Sətirin qalan altsətirləri isə boş saxlanılır.
15-ci sətir “Statisik fərq”.Son istehlak üçün yararlı məhsulun (12-ci sətir) miqdarından onun enerjinin qeyri-enerji (sət.13) və enerji (sət.14) məqsədli son istehlakının cəmi çıxıldıqdan sonra yaranan fərqdir. Statistik fərqin qiyməti mənfi işarə ilə də ola bilər. “Statistik fərq” sətrinin məlumatları balans məlumatlarının keyfiyyətini qiymətləndirməyə imkan verən əsas meyardır. Belə ki, enerji daşıyıcıları arasında nafta böyük paya malik olduğundan statistik fərqin 1%-dək olmasına yol verilir.
