Həcm və kütlə vahidlərinin enerji vahidi ilə ifadə edilməsi
Ümumi məlumatlar
Elektrik stansiyalarında istehsal olunan enerji, adətən, enerji vahidləri ilə (kilovatt-saat və s.) hesablanır. Stansiya üçün xammal (kömür, neft və s.), adətən, fiziki vahidlərlə ölçülür (kömür tonla, neft məhsulları tonla və ya litrlə). İstehlak olunmuş yanacaq haqqında məlumatlar da enerji vahidlərində təqdim olunmalıdır, çünki bu məlumatlar stansiyanın fəaliyyətinin səmərəliliyini müəyyən etmək üçün istifadə olunur.
Fiziki ölçü vahidlərini teracoula çevirmək üçün bir fiziki ölçü vahidinə düşən (həcm və ya kütlə) istiliktörətmə qabliyyəti bu vahidlərlə göstərilən yanacağın miqdarına vurulur, sonra isə lazım olduqda teracoula çevrilir. Yerin altından hasil edilmiş yanacaq, bərpa olunan enerji mənbələri və tullantılar aşağı istiliktörətmə qabiliyyətinə, təbii qaz və məişət-kommunal qazlar yüksək istiliktörətmə qabiliyyətinə malikdirlər. Fiziki vahidləri enerji vahidlərinə çevirən zaman çevirmə əmsalı diqqətlə seçilməlidir.
Dostları ilə paylaş: |
