1.Biologiya fani va uning vazifalari. Chuqur nazariy bilimga va keng ko‘lamli dunyoqarashga ega bo‘lgan malakali qishloq xo‘jalik xodimini tayyorlashda biologiya fanining o‘rni o‘ta muhimdir, zeroki shu fangina, avvalo hayotning rivojlanish qonuniyatlari echimini ko‘rsatib bera oladi. Biologiya - bu tiriklik (hayot) haqidagi fan bo‘lib materialning malum bir shakli sifatidagi tiriklikning yashash va rivojlanish qonuniyatlarini o‘rganadi. Biologiya atamasi farang olimi J.O.Lamark tomonidan 1802 yilda berilgan. Tirik tabiatning hayoti ko‘payishi bilan bevosita bog’liq. Ko‘payish qaysi ko‘rinishda davom etishidan qatiy nazar, bir avloddan ikkinchisiga doimo umumiy belgi xususiyatlar kuzatiladi. Bu irsiyat bilan bog’liq.
