Şəxsi məqsədlərin korporativ məqsədlərə uyğunluğu göstəricisi hər bir konkret işçinin məqsədlərinin BGS – də formalaşan korporativ məqsədlərə və vəzifələrə nə qədər uyğun gəlməsini əks etdirir.
BGS – də tərkib hissələrdən biri kimi komandada iş göstəricisi mühüm əhəmiyyət kəsb edir. Yuxarıda sadalanan məqsədlərdən heç birinə işçilərin bütün komandasının kollektiv əməyi olmadan nail olmaq qeyri – mümkündür. Komanda işi konsepsiyası komandanın qarşılıqlı əlaqə planı ilə genişləndirilə bilər. Ümumi məqsədlərə nail olunduqda mükafatın komandanın bütün iştirakçıları arasında bölüşdürülməsi nəzərdə tutulur.
Beləliklə, yüksək nəticələrin qazanılmasına yönəldilən strategiya şirkətin potensialı hesab edilən heyətə, informasiya sistemlərinə və proseslərinə investisiya qoyulmasını nəzərdə tutur. Şirkətin işçilərinə rəğmən ümumiləşdirilmiş göstəricilər qrupu, heyətin inkişafına, informasiya sistemlərinə, habelə fərdi və korporativ məqsədlərin və vəzifələrin uzlaşdırılması ilə bağlı proseslərə qoyulan investisiyaların nəticələrini qiymətləndirməyə imkan verir. Bununla yanaşı, uyğun spesifik göstəricilərin müəyyən edilməsi də mühüm əhəmiyyətə malikdir.
ƏDƏBİYYAT SİYAHISI S.M.Səbzəliyev, V.M.Quliyev. İdarəetmə uçotu. Bakı, “Elm və təhsil” nəşriyyat-poliqrafiya müəssisəsi, 2014-cü il, 523 s.
