ALADİ-nin yaranma tarixi 1969-cu ildə, Mərkəzi və Cənubi amerika ölkələri iqtisadi cəhətdən inteqrasiya etmək məqsədilə, regional təşkilatın təsis edilməsi haqqında razılığa gəldilər. And ölkələri, Latın Amerikası Azad Ticarət Zonasını təsis etdilər. 1980-ci ildə isə həmin birliyə üzv ölkələr təşkilatı daha da təkmilləşdirmək məqsədilə yığışaraq, ALADİ- Latın Amerikası İnteqrasiya Assosiyasiyasını yaratdılar. Əvvəlkindən fərqli olaraq yeni yaradılmış təşkilat, onun tərkibinə qatılmaq istəyən hər hansı bir ölkəni qəbul edə bilərdi. Həmçinin, ALADİ-yə üzv ölkələr həm öz aralarında, həm də regiondan kənar ölkələrlə ikitərəfli razılaşdırmalr bağlaya bilərdilər. Bu zaman, həmin ölkələr Assosiasiyanın digər üzvləri qarşısında məsuliyyət daşımırdı. Bütün bu şərtlər öz əksini, 1980-ci ilin Avqust ayının 12-də imzalanmış Montevideo Müqaviləsində tapmışdır. Məhz müqavilədə nəzərdə tutulan şərtlərə uyğun olaraq, Meksaka həm ALADİ-yə üz olmuş və həm də NAFTA-ya qoşulmuşdur. Müqavilənin 44-cü maddəsində bu məsələlər öz əksikni tapmışdır. Montevideo Müqaviləsi, ALADİ-ni yaradan və idarə edən qlobal hüquqi çərçivə sənədidir. Montevideo Müqavilə aşağıdakı prinsipləri əsas götürülür : plüralizm, həmrəylik, elastiklik, fərqli yanaşma və müxtəliflik. ALADİ, 1981-ci ildən fəaliyyətə başlamışdır. Üzv dövlətlər, 1984-cü ildə Regional Tarif İmtiyazları cədvəlini qəbul etmiş və onun müddətini 1987-ci ilədək uzatmışlar.
