NAFTA-nın məqsədləri NAFTA-nın məqsədi, iştirakçı ölkələr arasında iqtisadi münasibətlərin genişlənməsi, hər şeydən əvvəl isə əmtəələrin ticarəti sahəində baryerlərin aradan qaldırılmasıdır. Bu məhdudiyyətlərin yarısı NAFTA yaradılmasan dərhal sonra aradan qaldırılmışdır, qalanları isə 14 il ərzində tədricən ləğv edilmişdir. Avropa İttifaqından fərqli olaraq, NAFTA-nın məqsədlərinə dövlətlərarası inzibati orqanların yaradıkması və ya yeni qanunvericiliyin işlənib hazırlanması daxil deyildi. NAFTA yalnız, beynəlxalq hüquq çərçivəsində beynəlxalq ticarət müqaviləsidir. NAFTA xarici istehsalçılara qarşı proteksionist qaydalar müəyyən edir (xüsusilə tekstil sənayesi və avtomobil istehsalı ).
Birliyin məqsədləri:
Müqavilənin iştirakçıları arasında ticarət sahəsində baryerlərin aradan qaldırılması və əmtəələrin və xidmətlərin hərəkətinin stimullaşdırılması;
Azad ticarət zonasında ədalətli rəqabət üçün şəraitin yaradılması və dəstəklənməsi;
Müqavilənin iştirakçıları ərazisinə investisiyaların cəlb edilməsi;
İntelektual mülkiyyət hüquqlarının lazımi və effektiv səviyyədə qotunmasına təminat;
Müqavilənin şərtlərinin həyata keçirilməsi, mübaisələrin birgə həll olunması, idarəetmə məsələləri üzrə işlək mexanizmlərin yaradılması;
Müqavilənin təkmilləşdirilməsi və genişləndirilməsi məqsədilə gələcək üç tərəfli, regional bə beynəlxalq əməkdaşlıq üçün bazanın yaradılması;
