Cənubi Koreya modeli - Yapon modelinə yaxındır. O, ölkə əhalisinin psixoloji həyat tərzinə, yüksək əməksevərliyə əsaslanır. Hər bir şəxs əməksevərliyi ilə fəxr edir. Koreya modelində dövləin iqtisadiyyatda iştirakına xüsusi yer verilir. Bu modellərin bir-birindən prinsipial fərqi vardır. Onların hər biri ictimai istehsalın inkişafının spesifik yolunu əks etdirir.
İqtisadiyyatın dövlət tənzimlənməsində Çin Xalq Respublikasında aparılan islahatların təkamül -yolu daha maraqlıdır. İqtisadi islahat keçirmək üçün ÇXR təkamül yolunu seçmişdir. ÇXR-da keçirilən iqtisadi islahatın əsasında planla-bazarın əlaqələndirilməsi ideyası durmuşdur. Belə əlaqələndirmə məhsuldarlığın yüksəldilməsini stimullaşdırmalı və iqtisadiyyatın yüksək inkişafına səbəb olmalı idi. Bununla belə, hələ ÇXR-da bu iki amilin plan-bazar birliyinin səmərəli əlaqələndirilməsi tapılmamışdır. ÇXR-da 1992-ci ildən başlayaraq dövlət tənzimlənməsinin rolu indiqativ planlaşdırma səviyyəsinə endirilmişdir. ÇXR-da iqtisadi islahatın cərrahiyyə yolu ilə yox, mövcud idarəetmə mexanizminin təkmilləşdirilməsi istiqaməti seçilmişdir. 1990-cı ildən təxminən istehsal və reallaşdırmanın 50 faizi qeyri dövlət müəssisələri tərəfindən həyata keçirilmişdir.
