1. İqtisadiyyatın dövlət tənzimlənməsinin zəruriliyi

İqtisadiyyatın dövlət tənzimlənməsinin zəruriliyi çoxsaylı aşağıdakı amillərlə əlaqədardır:

1. İqtisadiyyatın bazar sektorunun problemlərinin həlli ilə bazar mexanizminin mənfi effektlərinin yumşaltması, azaldılması ilə bağlı olan amillər:

a) bazar proseslərinin kortəbiliyini məhdudlaşdırmaq;

b) səmərəli məcmu tələbini, bazar konyukturunu təmin etmək;

c) bazarın rəqabətliliyini, açıqlığını müdafiə etmək;

d) dünya bazarında rəqabəti gücləndirmək.

2. İqtisadi sabitliyi, geniş təkrar istehsal prosesini təmin edən amillər:

a) iqtisadiyyatın inkişafının ümumi şərtlərini yaratmaq, məcmu kapitalın fəaliyyətinin (işlədilməsinin) iqtisadi səmərəliliyinin yüksəldilməsini təmin etmək;

b) iqtisadiyyatın fasiləsiz inkişafını təmin etmək;

c) uzunmüddətli iqtisadi artımı, işin ahəngdarlığını stimullaşdırmaq;

d) makroiqtisadi tarazlığı qorumaq;

e) xalq təsərrüfatının optimal strukturunu formalaşdırmaq;

f) iqtisadiyyatın dövlət sektorunun səmərəli idarə edilməsini təmin etmək;

j) pul tədavülünü tənzimləmək;

q) elmin, elmi-texniki tərəqqinin inkişafına kömək etmək.

3. Sosial problemlərin həlli ilə əlaqədar amillər:

a) gəlirlərin səmərəli yenidən bölgüsünü təmin etmək;

b) sosial sabitliyin iqtisadi əsaslarını yaratmaq, sosial gərginliyi azaltmaq;

c) əhalinin tam məşğulluğunu təmin etmək;

d) işçi qüvvəsinin geniş təkrar istehsalına şərait yaratmaq, səhiyyəni, təhsili, kadrların yenidən hazırlanmasını təmin etmək.