Q q háribi kóbinese juwan dawıslılar menen bir buwında kelip, sózlerdiń barlıq jerlerinde jazıladı: qaq, qala, qara, qayıq, qaymaq, qamshı, qaysar, qaqpaq, soqpaq, shoqqı, shaqqı, aqlıq t.b. Sonday-aq q háribi qádir, qábir, qáhát, qálem, qálip, qáde, qánige, qáte, qáwli t.b. sıyaqlı sózlerde jińishke dawıslılar menen bir buwında jumsaladı.
X x haribi qáliplesken jazıw dástúri boyınsha xan, xat, xabar, xalıq, xanalas, xızmet, taxt, taxta, xoja, Xojeli, xojalıq, xosh, xoshamet, xoshirey, saxna, malxana, xurma t.b. sıyaqlı sózlerde jazıladı. Sonday-aq shet tillerinen ózlestirilgen xlor, ximiya, xalat, paraxod t.b. sıyaqlı ayırım sózlerde ǵana jazıladı.
F f háribi feyil, ferma, fermer, fizika, flot, foto, futbol, fonetika, Zulfiya, Fatiyma, Fayzulla, Feruza, Feodor, fabrika, shkaf, bufet, professor, kofe, kafe, geografiya t.b. sıyaqlı ózlestirme sózlerde jazıladı.
V v háribivagon, voleybol, vanna, vatman, volt, vazelin, velosiped, vokzal, vulkan, avtobus t.b. sıyaqlı ózlestirilgen sózlerde jazıladı.
W w háribi sózlerdiń barlıq esitilgen jerlerinde jazıladı. Sózdiń basında hám ortasında: Watan, waqıt, wáde, wákil, wáj, wáliy, wálayat, wásiyat, wázir, qawın, jawın, awlaq, sawda, awqam, jawlıq, quwraq; sózdiń aqırında: baw, suw, taw, saw, altaw, qosıw, bóliw t.b.
Dostları ilə paylaş: |
