Mashq . Bosh harflarning ishlatilish sabablarini tushuntirib bering.
Sayfi Saroyi, Shuhratbek, Tohirjon, Habib Abdullayev; Xiva, Zarafshon, Mirzacho’l, Amudaryo, Norin, Chortoqsoy; Qurama, Bobotog’, Hisor; Markaziy Osiyo, Shimoliy Amerika, Janubiy Koreya; Quyosh, Merkuriy, Saturn; “Mahalla” jamg’armasi, “Matiz” avtomobili, “Turon” ishlab chiqarish birlashmasi; “Mustaqillik” ordeni, “O’zbekiston Respublikasi xalq artisti”, Navro’z bayrami; O’zbekiston Respublikasi ichki ishlar vazirligi, Don mahsulotlari davlat-aksionerlik korporatsiyasi “O’zdonmahsulot”, YUNESKO tashkiloti, Sog’liqni saqlash vazirligi, Birlashgan Millatlar Tashkiloti, O’zbekiston Respublikasi Vazirlar Mahkamasi, O’zbekiston Oliy Majlisi, O’zbekiston Milliy universiteti, Toshkent traktor zavodi, “Bahor” konsert zali, Xalqaro Olimpiya Qo’mitasi, Oliy xo’jalik sudi, Buxoro viloyati hokimligi, “Damas” avtomashinasi, “O’qituvchi” nashriyoti, “Umid” firmasi, “Istiqbol” fermer xo’jaligi, “Malika” ishlab chiqarish birlashmasi, “Nuroniy” jamg’armasi, Samarqand chinni zavodi, Quvasoy sement zavodi, “Turkiston” saroyi, Temuriylar tarixi davlat muzeyi, Guliston davlat universiteti, Madaniyat va sport ishlari vazirligi, “Qo’shchinor” mas’uliyati cheklangan ishlab chiqarish birlashmasi, Bulung’ur tumani hokimligi, Urganch davlat universiteti, “Lazzat” oshxonasi, “Afrosiyob”mehmonasi, Toshkent agrar universiteti.
Chiziqcha bilan yozish va ko’chirish qoidalari
1. Juft yoki takroriy so’zlarning o’rtasida chiziqcha ishlatiladi
2. Juft so’zlar orasida -u, -yu yuklamalari ishlatilsa, ular birinchi so’zdan chiziqcha bilan ajratib yoziladi: erta-yu kech, osh-u non…
3. Qop-qora, yam-yashil, to’ppa-to’g’ri kabi kuchaytirma sifatlar chiziqcha bilan yoziladi.
4. Uyma-uy, oyma-oy, dam-badam kabi o’rtasida -ma yoki -ba qo’shimchalari kelgan so’zlar chiziqcha bilan yoziladi.
5. –mi, -gina (-kina, -qina) , -oq (-yoq) yuklamalaridan tashqari barcha affiks yuklamalar chiziqcha bilan yoziladi: sen-chi, biz-a, keldi-da, ukasi-ku…
6. Tartib sonlar arab raqamlari bilan yozilsa, chiziqcha ishlatiladi: 28-uy, 6-xona, 2012-yil, 8-mart…
Rim raqamlaridan so’ng chiziqcha ishlatilmaydi.
Dostları ilə paylaş: |
