2-MAVZU:O`NLIK MAVZUSIDA ARIFMЕTIK AMALLARNI O`RGATISH METODIKASI.SONNI UNING XONA QO‘SHILUVCHILARINING YIG‘INDISI KO‘RINISHIDA IFODALASH.
Reja:
1.O`nlik mavzusida qo`shish va ayirishni o`rgatish metodikasini umumiy masalalari.
2. 1-sinfda o`nlik ichida qo`shish va ayirishni o`rgatishning bosqichlarini darslik asosida tahlili.
3.Mavzuni o`rgatishga doir misollarni bajarishni ko`rsatish.Xona qo`shiluvchilari ko`rinishda ifodalashga oid misollar keltirish.
O`nlik mavzusida hisoblash(qo`shish va ayirish)ni o`rgatish bevosita shu konsentrda nomerlashni o`rgatish bilan birga olib boriladi. Mavzuni o`rgatish ko`rgazmalilik va amaliy masalalarni bajarish orqali amalga oshiriladi. Chunki bu mavzular 1-sinfda savodxonlik davrida o`rgatiladi. Shuning uchun o`quvchilarga ko`rgazmalar yoki hayotiy voqialar(o`zlari ko`rgan) asosida mazmuni ochib beriladi va tasavvur uyg`otiladi.
Bu mavzu ustida ishlashda quyidagi asosiy maqsadlar amalga oshiriladi:
1. O`quvchilarni qo`shish va ayirish amallarining mazmuni bilan tanishtiriladi.
2. Hisoblash usullaridan o`quvchilarning ongli foydalanishlarini ta'minlash:
a) “sonni qismlari bo`yicha” qo`shish va ayirish usuli.
b) “o`rin almashtirish” xossasidan foydalanib qo`shish usuli.
v) sonlarni ayirishda (8-5), qo`shishning tegishli holini (8=5+3) bilishdan yoki yig`indi va qo`shiluvchilardan biri bo`yicha ikkinchi qo`shiluvchini topish malakasidan foydalaniladigan holda yig`indi va qo`shiluvchilar orasidagi bog`lanishlarni bilganlikka asoslangan ayirish usuli.
3.10 ichida qo`shish va ayirish ko`nikmalarini avtomatizmga yetkazish.
Amaliy topshiriqlar:
1.10 ichidagi sonlarga nol (0) sonini qo`shishni va ayirishni o`rgatish metodikasini ko`rsatib bering.
2+0=, 5+0, 8+0=, 0+4=, 0+7=, 8-0=, 6-0=, 3-0=, 7-0=.
2.10 ichidagi sonlarga 1,2,3,4 ni qo`shish va ayirishni o`rgatish metodikasiga doir mashqlarni bajarib ko`rsatish.M: 1+1, 2+1, 3+1, 4+1, ... 9+1. 10-1, 9-1, 8-1, 7-1,....1-1.
Dostları ilə paylaş: |
