1-mavzu. Shaxsiy kompyuterlarning ta’minoti va uning turlari, Dasturlar va apparat ta’minoti,dasturiy ta’minot

Kuchlanish Bloki – asosiy tok manbaidan kelayotgan 220 V (110 V) kuchlanishni
kompyuterning konstruktiv elementlari uchun +12V, +5V va +3,3V ga aylantirib beruvchi qurilma.
Monitor axborotni universal chiqaruvchi qurilma bo‘lib, videokartaga ulanadi.Тasvir kompyuter formatida (nollar va birlar ketma-ketligidan iborat) videoxotirada saqlanadi. Kompyuter videoxotiradagi axborotni o’qib, uni ekranda akslantiradi. Zamonaviy monitorlarda tasvirlarning yangilanish chastotasi sekundiga 75 ga teng Kinofilmlar da, ya’ni televizorda kadrlarning almashinish chastotasi sekundiga 24 kadrni tashkil etadi Statsionar kompyuterlarda elektron-nurli trubkali monitorlar ishlatiladi. Bunday monitorlar diagonal o’lchamlari dyuymlarda (1 dyuym = 2,54 sm) o’lchanadi. 14, 15, 17 dyuymli va undan yuqori bo’lgan o’lchamga ega monitorlar ko’plab ishlab chiqilgan. Biroq bunday monitorlar yuqori statik elektr potensiali, elektromagnit nurlanish va radiatsiya manbai bo’ lib, inson salomatligiga salbiy ta’sir ko’ rsatishi mumkin. Shuning uchun bunday monitorlar bilan ishlashda sanitariya-gigiyena talablariga rioya qilish zarur.
Portativ va cho’ntak kompyuterlarida suyuq kristallar asosida ishlaydigan yassi monitorlardan foydalaniladi. Keyingi paytlarda statsionar kompyuterlarda ham bunday monitorlar foydalanilmoqda. Ularning imkoniyatlari yuqori bo’lishi bilan birga inson salomatligiga ta’siri yo’q.
Suyuq kristall asosida ishlaydigan monitorlarda 15 milliondan ortiq ranglarni tasvirlash mumkin. Bunday monitorlarni LCD-monitorlar (Liquid Crystal Display suyuq kristalli displey) ham deb atashadi. Ularning asosiy afzalliklari - og’irligi, yassiligi, elektr energiyasini kam iste’mol qilishi, inson salomatligiga ta’siri kamligi. Kamchiliklari - narxi qimmatligi, tasvir sifatining ekranni turli burchak ostidan qaralishi bilan bog’liqligi.
Plazmali monitorlar, plazmali ekranlar, plazmali displeylar [plasma display, plasma display panel - PDP ] – yassi monitorning bir turi bo’lib, ularda tok o’tkazuvchi ikki panel o’rtasidagi gazni ionlashtirish effektidan foydalangan holda tasvir hosil qilinadi. Har bir piksel miniatyurali l yuminissent lampaga singari qizil, yashil, zangori rangni nurlantiradi. Plazmali monitorlar suyuq kristalli monitorlarga nisbatan uncha yuqori ko’ rsatkichga ega emas. Nuqta o’ lchami 1 mm ni tashkil etadi. Shu bilan birga ularning o’lchami katta bo ‘lishi ham mumkin (1 metr va undan katta).
Klaviatura axborotdagi belgilarni, shuningdek boshqaruvchi signallarni kompyuter xotirasiga kiritishda ishlatiladi.
Manipulyatorlar — ekran ko‘rsatkichini qulay boshqarish imkonini beruvchi maxsus qurilma.
Ularga quyidagilar kiradi:
1. Sichqoncha; 2. Тrekbol; 3. Djoystik