1– Mavzu: Yerda hayotning paydo bo’lishi

MAVZU: EVOLYUSIYANI ISBOTLASHDA BIOGEOGRAFIK FAN DALILLARI
REJA:

1. 
   Biogeografik fan dalillari.
   
   1. 
      Palearktik biogeografik viloyati.
      
   2. 
      Neoaktik biogeografik viloyati.
      
   3. 
      Netropik biogeografik viloyati.
      
   4. 
      Xindomalay biogeografik viloyati.
      
   5. 
      Xabashiston biogeografik viloyati.
      
   6. 
      Avstraliya biogeografik viloyati.
      
2. 
   Biogeografik viloyatlardagi hayvonot va o`simliklar olamining o`xshashlik va farqi.
   
3. 
   Xulosa.
   

1. Biogeografik fan dalillari
Yer yuzida tarqalgan hayvonot va o'simliklar olami murakkabligi jihatdan bir xil emas. Ba'zi qit'alarda tuzilishi va funksiyasi bo'yicha nisbatan oddiy, boshqalarida esa o'ta murakkab hayvonlar va o'simliklar tarqalgan.
Hayvon va o'simliklarning quruqlikda tarqalishiga qarab, olimlar sayyoramizni 6 ta biogeografik viloyatga ajratgan.
Bunda asosan sutemizuvchilar, qushlar, ochiq urug'li, yopiq urug'li o'simliklar, qisman sudralib yuruvchilar, suvda va quruqlikda yashovchilar hamda quruqlikdagi sporali o'simliklarning tarqalishi asos qilib olingan. Quyida olimlar tomonidan e'tirof etilgan avstraliya, neotropik, hindomalay, xabashiston, neoarktik, paleoarktik bio­geografik viloyatlarning hayvonot va o'simliklari bilan tanishamiz.
a) Paleoarktik biogeografik viloyati butun Yevropa, Osiyoning shimoliy markaziy qismini, Afrikaning shimoliy qismini egallagan.
Nihoyatda katta hududga ega bo'lishiga qaramay, sutemizuvchi hayvonlarning boshqa viloyatlarda uchramaydigan birorta ham turkumi yo'q. Bu viloyatda tuyoqli hayvonlardan — ot, saygak, yelik, tog' echkisi, los, yovvoyi qo'y, ikki o'rkachli tuya, tog' kiyiklari, yirtqichlar — oq va qo'ng'ir ayiq, bo'ri, tulki, qunduzlar, hasharotxo'rlardan — vixuxol, qo'lqanotlilardan — ko'rshapalaklar, qushlardan — tog' ulari, kur, tustovuq, chittaklar uchraydi.
O'simliklardan ninabarglilar — archalar, pixta, qoraqarag'ay, qarag'ay, yopiq urug'lilardan — eman, terak, tol, akatsiya, gledichiy, sho'raguldoshlar, butguldoshlar, soyavonguldoshlar, murakkabguldoshlar, gallaguldoshlarga kiruvchi ko'plab o't o'simliklar o'sadi.