Oila huquqining asosiy printsiplari quyidagilardan iboratdir:
oilaning jamiyat va davlat muhof azasida bo‘lish huquqi printsipi
barcha fuqarolar, jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeidan qat’i nazar, qonun oldida tengligi printsipi
hamma oilaviy munosabatlarda ayol bilan erkak teng huquqliligi printsipi
oilaviy munosabatlarda ishtirok etuvchilarni ma’naviy va moddiy qo‘llab-quvvatlash hamda ularning o‘zaro bir-biriga g’amxo‘rlik qilishi printsipi
Davlat tomonidan onalik, otalik va bolalikni muhofaza etish va ularning manfaatlarini har taraflama himoya qilish printsipi
Ixtiyoriy va erkin nikoh printsipi
Faqat yakka nikohlikni tan olish va uni mustahkamlash uchun yordam berish printsipi
Davlat tartibi asosida nikohdan erkin ajralish printsipi
Bolalarni mustaqillik va milliy istiqlol mafkurasi g’oyasi asosida tarbiyalash printsipi.
O‘zbekiston Respublikasida 1998 yil – Oila yili deb e’lon qilindi va shu yili “O’zbekiston Respublikasining Oila kodeksi” qabul qilindi (1998 yil 1 – sentabrdan kuchga kirgan).
“O’zbekiston Respublikasining Oila kodeksi” 8 bo’lim 238 moddadan iborat bo’lib O’zbekistonda oilalarning huquqiy asoslarini belgilab beradi va kafolatlaydi. Maslan ushbu qonunning II bo’limi 19 moddasida oilada er va xotinning teng huquqliligi belgilab qo’yilgan.
