4-cü səviyyə - nəqliyyat səviyyəsi. Bu səviyyə kanalın seçilməsini, verilənlərin ötürülməsini və ötürülmə prosesi sona yetdikdən sonra, kanalın azad edilməsini təmin edir. Onun funksiyasına, həmçinin ötürülmə zamanı səhvlərin izlənilməsi, hər bir paketin ötürülməsi müddətinə nəzarət edilməsi, nəqliy-yat protokoluna uyğun olaraq, paketlər toplusu içərisindən məlumatın bərpası da daxildir. Məsələn, İnternetdə nəqliyyat səviyyəli iki protokol istifadə edilir: TCP (Transmission Control Prottocol) – verilənlərin ötürülməsinin idarə olun-ması protokolu və UDP (User Datagram Protocol) – istifadəçilər deytaqramı protokolu. UDP, paketləri göndərəndən – çatdırılmanın doğruluğunu yoxlamaq şərtilə və zədələnmiş paketin ləğv edilməsi imkanı ilə alıcıya çatdırır. TCP - protokolu isə səhvlərə nəzarəti və zədələnmiş paketlərin təkrarən göndərilməsinə sorğunu həyata keçirir, həmçinin şəbəkədə çoxyüklənmələr aşkar edilərkən ötürülmə sürətini azaltmaq hüququ ilə paketlər selinin idarə edilməsini də həyata keçirir. Beləliklə, TCP-yə uyğun olaraq son (çıxış) sistemləri, səhvlərin yoxlanılması və selin idarə olunması kimi vacib məsələləri yerinə yetirir. Belə seçim, şəbəkənin sadələşdirilməsi və etibarlılığının artırılması prinsiplərinə cavab verir. Şəbəkəyə yeni son (çıxış) sistemləri qoşularkən, onun daxili elementləri əlavə birləşmələrə xidmət göstərəcəklər. Bu səviyyə bir-birilə qarşılıqlı təsirdə olan istifadəçi prosesləri arasında verilənlərin fasiləsiz olaraq ötürülməsini təmin edir. Nəqletmənin keyfiyyəti, öturulmə prosesinin səhvsizliyi, hesablama şəbəkələrinin sərbəstliyi (yəni asılı olmaması), sondan – sona nəqletmənin servisi, sərfiyyatın minimallaşdırılması və rabitənin ünvanlaşdırılması, verilənlərin səhvsiz olaraq fasiləsiz ötürülməsinə zəmanət verir.
