1.5. Naqilsiz rabitə texnologiyalarında fiziki mühitə daxilolma üsulları
Fiziki mühitə daxilolma (çoxsaylı daxilolma - ÇD) üsulları anlayışı (ing.- “Multiple Access”) spektrin məhdud hissəsinin çoxlu sayda istifadəçilər tərəfindən birgə istifadəsinin təşkili ilə bağlıdır. Ortodoksal (bir məsləkin ardıcıl və sabit tətrəfdarı olmaq) yanaşmalarda çoxsaylı daxilolmanın 5 müxtəlif variantı fərqləndirilir:
- rabitə kanallarının tezlik ayrılması ilə ÇD;
- rabitə kanallarının zaman ayrılması ilə ÇD;
- rabitə kanallarının kod ayrılmaası ilə ÇD;
- rabitə kanallarının fəza ayrılmaası ilə ÇD;
- rabitə kanallarının polyarizasiya ayrılması ilə ÇD.
Şanvari rabitə üçün bunlardan ilk üç variant xüsusi maraq doğurur. Dördüncü metod, faktiki olaraq tezliyin təkrar istifadə olunması prinsipinin həyata keçirilməsində, xüsusən istiqamətlənmiş antenalardan istifadə etməklə manqaların sektorlara bölünməsində istifadə olunur. Sonuncu variantın praktiki tətbiqi haqda məlumat azdır. Qeyd edək ki, rabitə nəzəriyyəsində ÇD - dedikdə, bir neçə MS-in bir ədəd verici-qəbuledici BS-ə qoşulması və ya peyk retranslyatoruna müraciət etməsi başa düşülür. Bu zaman MS-lər oradan informasiya ala, həm də ötürə bilərlər. Rabitə kanalının tutumu dedikdə, müxtəlif kanalların sayı (radiorabitə, telefon, TV, rəqəm verilişi ötürülməsi və s.), yaxud da rəqəm sistemləri üçün saniyədəki bitlərin sayı başa düşülür.
Dostları ilə paylaş: |