Şəxsiyyət arası münaqişə – bu, ən geniş yayılmış münaqişədir. təşkilatlarda bu tip münaqişə özünü müxtəlif cür ifadə edir. Bu, hər şeydən əvvəl rəhbərlərin ehtiyatlardan qənaətlə istifadə edilməsi, maliyyələşdirilmə və işçi qüvvəsinin məhdudlaşdırılması, avadanlığın istismar müddəti və layihənin bəyənilməsi uğrunda apardığı mübarizədə özünü göstərir. Hər bir rəhbər belə hesab edir ki, nə qədər ki, ehtiyata qənaət edilmişdir özündən yuxarı olan rəhbərlik həmin ehtiyatı başqasına deyil, məhz ona ayırmalıdır. Şəxsiyyət arası münaqişə həmçinin, şəxsiyyətlərin çarpışmasında da özünü büruzə verir. Müxtəlif xarakterli, dünya görüşlü adamlar bəzən elə olur ki, bir-biri ilə yola getmirlər.
