Planlaşdırmanın həll edə biləcəyi məsələlər sırasına aşağıdakılar daxildir:
1) Hal-hazırda müəssisənin yerini və ya mövqeyini müəyyənləşdirmək. Rəhbərlər və ya menecerlər müəssisənin maliyyə, əmək ehtiyatları, marketinq fəaliyyətinin vəziyyətini və bütövlükdə müəssisənin zəif və güclü tərəflərini qiymətləndirməyi bacarmalıdırlar.
Burada əsas məqsəd müəssisənin mövcud potensialını aşkar etmək və onun nəyə qadir olmasını aydınlaşdırmaqdır.
2) Təşkilatın qarşıya qoyduğu konkret məqsədlərin hərtərəfli araşdırılması. Rəhbərlər və ya menecerlər imkanları və ətraf mühitin mühafizəsi üzrə həyata keçirilən tədbirləri qiymətləndirərək, müəssisənin qarşısına qoyulmuş məqsədlərə nail ola bilmək üçün onun rastlaşa biləcəyi maneələri proqnozlaşdırmağı bacarmalıdırlar.
3) Qarşıya qoyulmuş məqsədə ümumilikdə və ya konkret olaraq, necə nail olmağı müəyyənləşdirmək. Bu təşkilatların qarşısında duran məqsədlərə nail olması üçün proseslərə və insanlara necə rəhbərlik etməsindən bilavasitə asılıdır.
Planlaşdırma funksiyaları fasiləsizdir, yəni qarşıya qoyulmuş məqsədə çatmaq üçün yeni planlar işlənib hazırlanır. Perspektiv dövrün qeyri-müəyyənliyi nəzərə alınaraq, müvafiq planlar nəzərdən keçirilir və uyğunlaşdırılır.
Dostları ilə paylaş: |
