1) Göstəriş vermək. Məsələlərin həllini rəhbər diqqətlə izləyir, təlimatlar verir, baş verən hadisələri detallarına qədər dərindən öyrənir. Lider öz istədiyini dəqiq izah edir və şəxsi ustalığını artırmağa fikir verərək, işin yaxşılaşdırılmasını tələb edir. Bu cür üslubu iş bilməyən və öyrənmək istəməyən şəxslərə və qruplara qarşı tətbiq etmək daha yaxşıdır.
2) Məşhurlaşma.Bu üslub ondan ibarətdir ki, lider təşəbbüskar kimi çıxış edir, cari illər üzrə göstəriş, təlimat verməkdə və nəzarətdə çox fəaldır. Ünsiyyət ən vacib element olduğundan lider adamlarla tanışlığı və əlaqələri genişləndirməyə can atır. İşçilərin birbaşa iştirakı ilə nümunəvi iş formalaşır. Bu cür üslubu, az-çox işə uyğunlaşmış, müəyyən vərdişləri olan, lakin tam peşəkarlığa yiyələnməmiş qruplara və şəxslərə tətbiq etmək özünü doğruldur. Rəhbər tərəfindən nəzarətin və təlimatların olması işçilərin qabiliyyətini artırır. Lider hər kəs üçün öz vaxtını sərf etdikdə, ümumi maraqları aydınlaşdırdıqda, fərdi xarakterə qiymət verdikdə, əldə etdiyi yüksək nəticələrə görə qürur hissini yaydıqda, zərurət yarandığı hallarda əmrlər verdikdə, müsbət davranışı mükafatlandırdıqda yüksək nəticələr əldə edir.