1 nömrəli əlavə İdmançıların və idman tədbirlərinin digər iştirakçılarının yemək təminatının xərc normaları

İdman tədbirlərində idman hakimlərinə verilən

ödənişlərin normaları

İdman növləri üzrə hakimlərin vəzifələri	Hakim kateqoriyalarını nəzərə almaqla ödənclərin miqdarı (min manatla)
	BK/İK RK 1K OH
Baş hakim	15,0 12,0 10,0 -
Baş hakim-katib	15,0 12,0 10,0 -
Baş hakimin köməkçisi	12,0 10,0 8,0 8,0
Komanda oyun növləri
Oyunun baş hakimi	20,0 15,0 12,0 -
Oyunun baş hakiminin köməkçisi	15,0 12,0 10,0 -
Komissar	20,0 - - -
Hakimlər (briqadanın tərkibində)	10,0 10,0 8,0 8,0

Şərti işarələr:

BK - Beynəlxalq kateqoriyalı

İK - İttifaq kateqoriyalı

RK - Respublika kateqoriyalı

1K - Birinci kateqoriya

OH - Oyun hakimi

QEYDLƏR:

1. Hakimlər üçün ödənilən məbləğlər idmanın komanda oyun növləri üzrə (futbol, voleybol, həndbol və s.) bir oyuna görə, digər idman növləri üzrə isə bir günlük xidmətə görə verilir.

2. İdman yarışlarına xidmətə görə hakimlərə verilən ödənclər bu qaydalarla nəzərdə tutulan digər maddi təminat növlərindən asılı olmayaraq həyata keçirilir.

3. Yarışların hazırlıq və yekun mərhələlərində hakimlərin maddi təminatı (yemək, mənzil hakimliyə görə ödənc) hakimlik işi dövrünün bütün müddəti üçün ümumi müddəti:

Baş hakim, Baş hakim-katib üçün - 5 günədək;

Baş hakimin köməkçisi, Baş hakim-katibin köməkçisi üçün - 3 günədək olmaqla həyata keçirilir.

4. İdman federasiyaları öz vəsaitləri, habelə sifariş ödəmələri hesabına idman hakimlərinə ödənclərin müəyyən olunmuş miqdarını artırmaq səlahiyyətinə malikdirlər.

5. Rəsmi beynəlxalq yarışlara xidmətə görə hakimlərə verilən ödənclər həmin yarışların reqlamenti ilə nəzərdə tutulmuş qaydada və miqdarda ödənilə bilər.

6. Hakim kollegiyasının (briqadasının) say tərkibi, idman növləri üzrə yarışların keçirilməsi haqqında qaydalara və əsasnamələrə uyğun olaraq müəyyənləşdirilir.

7. Beynəlxalq yarışların, çempionatlarının və Azərbaycan Kuboku oyunlarının təşkili və keçirilməsinə nəzarət haqqı oyunların baş hakimi üçün nəzərdə tutulmuş miqdarda ödənilməklə yüksək ixtisaslı hakimlər və mütəxəssislər sırasından müfəttişlər yaxud texniki nümayəndələr üçün təyin oluna bilər.

8. Beynəlxalq federasiya tərəfindən təyin olunmuş xarici texniki nümayəndələrə və hakimlərə ödənclər beynəlxalq kateqoriyalı hakimlər üçün nəzərdə tutulmuş miqdarda ödənilir.
_________________

Azərbaycan Respublikası Nazirlər

Kabinetinin 1997-ci il 1 iyul

tarixli 69 nömrəli Qərarına

3 nömrəli əlavə