1 nömrəli əlavə Müəssisənin start qiymətinə tətbiq olunan əmsallar

Azərbaycan Respublikası Nazirlər

Kabinetinin 1999-cu il 27 avqust

tarixli 140 nömrəli qərarı ilə

təsdiq edilmişdir

1 nömrəli əlavə
Müəssisənin start qiymətinə tətbiq olunan əmsallar
Özəlləşdirilən müəssisə və obyektlərin start qiyməti (səhmdar cəmiyyəti üçün nizamnamə kapitalının həcmi) hesablanarkən onların ilkin qiymətlərinə müəssisənin yerləşdiyi ərazinin əlverişliliyi və sair göstəricilər nəzərə alınmaqla müvafiq əmsallarla hesablanmış qiymət əlavələri tətbiq edilməklə müəyyənləşdirilir.

Müəssisə və obyektlərin start qiyməti
Müəssisə və obyektlərin start qiyməti aşağıdakı düsturla hesablanır:

Sq = Iq + Bd x (Nə x Zə - 1)

Burada,
Sq - müəssisənin start qiyməti;

Iq = Ab - Pb - start qiyməti müəyyənləşdirilən tarixə müəssisənin Azərbaycan Respublikası Prezidentinin 1996-cı il 25 mart tarixli 451 nömrəli Fərmanı ilə təsdiq edilmiş “Özəlləşdirilən dövlət mülkiyyətinin qiymətləndirilməsinə dair metodik göstərişlər”ə uyğun olaraq hesablanmış ilkin qiyməti;

Ab- start qiyməti müəyyənləşdirilən tarixə müəssisənin balansının aktiv hissəsinin yekunu;

Pb - start qiyməti müəyyənləşdirilən tarixə müəssisənin balansının passivi üzrə bank kreditləri, borcları və müvəqqəti cəlb edilmiş vəsaitlərin cəmi (balans passivinin bölməsinin yekunu);

Bd - start qiyməti müəyyənləşdirilən tarixə müəssisənin əsas vəsaitlərinin qalıq dəyəri;

Nə - müəssisənin nəqliyyat kommunikasiyaları ilə təmin olunması əmsalı:

xüsusi dəmiryolu ilə təmin olunmuş və əsas nəqliyyat magistrallarının üstündə yerləşən müəssisələr üçün - 1,2;

digər hallarda - 1,0;

Zə - zona əmsalı müəssisə və obyektlərin, habelə bina və tikililərin bir hissəsində yerləşən qeyri-yaşayış sahələrinin yerləşdiyi əraziyə görə start qiymətinin müəyyən edilməsi üçün Azərbaycan Respublikası Nazirlər Kabinetinin 1998-ci il 27 aprel tarixli 93 nömrəli qərarı ilə təsdiq edilmiş “Özəlləşdirilən dövlət müəssisə və obyektlərinin yerləşdiyi torpaq sahələrinin normativ qiyməti haqqında Əsasnamə”də verilmiş zonalar üzrə aşağıdakı kimi qəbul edilir:
Bakı şəhəri