1.Ümumi hazırlıq- hər bir müəllimin ədəbi, bədii, ictimai, siyasi, psixoloji,
elmi, xüsusilə, metodik ədəbiyyatı mütaliə etməli,tədris etdiyi fənni daim
təkmilləşdirməlidir. Yəni, hər bir müəllim daim öyrənməli, öz biliklərini və
pedaqoji ustalığını təkmilləşdirməlidir;
2.Müəllimin proqram üzrə dərsə hazırlığı- bu hər bir mövzunun
məzmununun, dərsin tipinin planlaşdırılması ilə bağlıdır. Bunun üçün müəllim
tədris etdiyi fənnin proqramını əldə edir. Kematik plan tərtib edir, dərsin
didaktik məqsədini, məzmununu müəyyənləşdirir, mənimsəmə mərhələlərni
nəzərə alır, mövzu bitdikdən sonra mənimsəmə səviyyəsini aşkara çıxarmaq
üçün yoxlama işləri aparır. Eyni zamanda , müəllim tədris etdiyi fənnə dair yeni
dərslik və dərs vəsaitlərini də əldə etməlidir;
3.Müəllimin mövzular üzrə gündəlik hazırlığı- bu daha ciddi dərsə
yanaşmağı tələb edir. Gündəlik hazırlıq təxminən bu ardıcıllıqla həyata
keçirilməlidir:
a)yeni mövzunu müəyyən etmək və həmin mövzunu əvvəl keçirilənlərlə
əlaqələndirmək;
b)proqram və dərslikdə mövzunun qoyuluşu ilə tanış olmaq, əlavə mənbələrdən
və fənlərarası əlaqədən istifadə etmək;
c)dərsin mütodunun və tipini müəyyən etmək. Dərsin optimallaşdırılması üçün
sual və tapşırıqlar hazırlamaq;
d)əyani, texniki və digər vasitələrin seçilməsi və hazırlanması;
e)dərsin planını tərtib etmək;
Bəzi pedaqoji ədəbiyyatlarda gündəlik dərsə hazırlığın 3 əlamətləri də göstərilir:
diaqnozlaşdırma, proqnazlaşdırma, planlaşdırma;
Beləliklə, hər bir dərsin keyfiyyəti və səmərəli alınması üçün müəllim
axtarıcılığa, yaraddıcılığa, öz işini sevməyə, didaktik vəzifələri yerinə
yetirməyə, təhsilləndirici və tərbiyələndirici məqamları gözləməyə borcludur.
Müasir məktəbin müəllimin müasir dərs tiplərini düzgün müəyyənləşdirməklə
dərsi müasir səviyyədə qurmağa çalışmalıdır.
|
