2ci dövr-1823-1830cu illəri əhatə edir və Fransada İyul monarxiyasının qurulması ilə başa çatır. Dövrün başlıca epizodu İspaniyaya Fransız müdaxiləsi və kral Vll Ferdinandın hakimiyyətinin bərqərar olmasıdır.1822ci ilin avqustunda Kestlrinin özünə qəsd edilməsindən sonra sentyabrda onun yerini istedadlı ingilis diplomatı və antirus görüşləri ilə məşhur olan Corc Kaninq tutur.
3cü dövr-1830cu il iyul monarxiyasının qurulmasından başlayır və Krım müharibəsi ərəfəsinədək davam edir,tədricən Avropa dövlətlərinin əvvəlki həmrəyliyi arxa plana keçir. 1833cü ildə Avstriya,Rusiya və Prussiya Müqəddəs İttifaqı bərpa etməyə cəhd göstərsələr də uğur qazanmadılar.XVlll əsrin sonlarından etibarən Fransada burjua inqilabının təsiri ilə baş verən hadisələr qlobal dəyişiklikləri şərtləndirməklə Vyana sisteminin qurulmasına yol açdı. Bununla belə əsrin dörddə birində baş verən hadisələr dünyanın sonrakı ictimai siyasi və iqtisadi inkişafında mühüm rol oynadı.
