10-sanlı qánigelestirilgen mámleketlik mektep-internatiniń korrekcıyalıq pánler muǵallimi Qudıyarova Lolanıń Baǵdar alıw hám háreketleniw shınıǵıwınan 5-oktyabr kúni Tayarlıq klasında > teması boyınsha ótetuǵın ashıq sabaǵınıń bir saatlıq sabaq

10-sanlı <> qánigelestirilgen mámleketlik mektep-internatiniń korrekcıyalıq pánler muǵallimi Qudıyarova Lolanıń Baǵdar alıw hám háreketleniw shınıǵıwınan 5-oktyabr kúni Tayarlıq klasında << Iyis seziw qabiletin rawajlandırıw >> teması boyınsha ótetuǵın ashıq sabaǵınıń bir saatlıq sabaq islenbesi.

Oqıw isleri boyınsha direktor orınbasarı: S.Reymov

Metod birlespe baslıǵı: T.Tájimuratova
Pán múǵállimi: L.Qudiyarova

Tayarlıq klası. 5-oktyabr,2023 jıl

Tema: Iyis seziw qabiletin rawajlandırıw

Sabaqtıń bilimlendiriw hám tárbiyalıq maqseti: oqıwshılardı hár bir ózine tán iyiske iye ekenligin túsindiriw,iyis seziw aǵzasınıń áhmiyeti hám gigienanıń áhmiyeti,sezgi aǵzaların kútip qaraw,iyis sezgi aǵzasın saqlaw haqqında bilimlerin qáliplestiriw.

Sabaqtıń korrekcion maqseti:sezgi aǵzalarınıń issheńligin asırıw,iyis sezgisin rawajlandırıw,dıqqattı bir jerge jámlew,sóz baylıǵın asırıw,mayda qol bulshıq etlerin rawajlandırıw.
--átiraptaǵı maǵlıwmatlardı sezgi aǵzaları,sonıń ishinde iyis sezgisi arqalı biletindi túsindiriw.
--hár bir nárse ózine tán iyiske iye ekenligin,azıq-awqat,dári-dármaq,palız hám miyweler,gúller,shópler,h.t.b.
--sezgi aǵzaların taza uslawdı úyretiw.
--óziniń den sawlıǵına itibar qaratıwdı.
--oqıw barısında ózin joqarı bahalawdı úyretiw.
Sabaqtı qurallandırıw: kóz baylaǵısh,buyımlar,palız miyweler,nan ónimleri,gúller,terek shaqaları,shırpı qutısı,hár qıylı súwretler,konstruktor,kartochkalar,reńli qaǵaz,paket,bórtpe súwretler.

Sabaqtıń barısı

1-qádem:
Áwelen aylanıp turamız,
Dógerekte qansha quwanısh,
Bizler qollarımız benen uslasamız.
Hám bir-birewge kúlemiz
Bizler úyreniwge tayınbız
Baǵdar alıwdı baslawǵa tayınbız!
2-qádem: Keshegi sabaqta sizler menen birgelikte qanday zatlardı úyrendik?
1)Házir qanday máwsim,kim aytadı
Gúz ekenin bildiretuǵın mısallardı keltiriń
Gúz haqqında súwret.
Bul súwrette gúz máwsimi súwretlengenin qalay bildińiz,qaysı sezgi aǵzası járdem berdi(kóriw qábileti)
2)Quslar,paroxod gudogi, dawısın esittiriw.Endi qaysı sezgisi arqalı sezdińiz(esitiw sezgisi)
3)Buyımlardı anıqlaw(teri sezgirligi)qaǵazli gúbelek,paroxod,samolyot,palız,miyweler.
4)Shokoladtı jew(dám sezgisi)
Fizkultminutka.Paroxod.Samolyot.
3-qádem:Endi balalar kim aytadı ,kim qanday palızdı,miyweni jaqsı kóredi
Toparda oyın
--Sizlerdi Palızlar hám Miyweler toparlarına bólemen.Otırıp qanday palız yamasa miywe ekenlerin iyislerine qarap ayırasız.Kóp taqǵan topar jeńimpaz sanaladı.
4-qádem:Bizler qaysı sezgi arqalı arqalı iyislerdi anıqladıq
Bizler hár bir sezgi aǵzamızdı taza uslap,abaylap asırawımız kerek,solay emespe balalar.Patas qollarımız benen kóz,awız,murnımızdı uslawǵa bolmaydı,qulaǵımızǵa,murnımızǵa hár zattı tıǵıp tazalawǵa bolmaydı.
Fizkultminutka.Quslar.
Aq quslar ushadı,qanatların qaǵadı(balalr qolların qaǵadı)
Suwda sekiredi,basın shayqaydı(basların shayqaydı)
Dúziw hám maqtanıp turıwdı biledi(gewdesin dúziwleydi)
Tumsıqları menen qanatların tazalaydı(qaqolların tazazlaydı)
Shawqımsız ásten suwǵa otıradı(otıradı)
5-qádem: Endi bir qatar palız miywelerdi bilip hám kórip aldıńız,endi iyisine qaray qanday ónim ekenin bilip,reńi qanday bolatuǵının boyaysız.
6-qádem:Fizkultminutka.Sıyır.
--Shırpı qutılarında iyis shıǵarıwshı zatlardı maydalap salıp,birdey iyiske iye zatlardı kózdi baylap ayırıw.
7-qádem: Sabaqqa juwmaq.Birgelikte oyın. Dawam et.
1.Neshe sezgi aǵzası bar
2.Kóz-bul (kóriw)
3.Qulaq-bul (esitie)
4.Murın-bul(iyis seziw)
5.Awız boslıǵı-bul(dám seziw
6.Teri-bul(teri sezgirligi)
7.Sezgi aǵzaların (saqlaw kerek,taza uslaw kerek)


Iyis seziw aǵzası