TALABALARNING METOD VA TARBIYAGA MUNOSABATINI BILISH MAQSADIDA QISQA SAVOL JAVOB
Metod nima?
Metod ika nima?
Metod so’zining ma’nosi nima?
Tarbiya nima ?
Tarbiya metodi nima ?
Tarbiyaning maqsadi nima ?
Tarbiyaning vazifasi nima ?
O’zingiz tarbiyalimisiz ?
Tarbiyangizda og’ish bormi ?
Tarbiyangizdagi kamchilliklar bormi ? Bo’lsa ayting.
Guruxingizdagi eng tarbiyali va tarbiyasi og’ir kursdoshingiz haqida ayting.
To’rtinchi sinfda har-xil buyumlar: qalam, ruchka, rezinka va boshqalar narsalar yo’qola boshladi. Bir kuni sinfdagi qizchaning bosh kiyimi yo’qoldi. O’qituvchi topilmalar byurosining faoliyati haqida gapirib berdi. Bolalar topib olingan narsalar qaytarib berilishi to’g’risidagi kattalardan eshitgan misollarni aytishdi.
O’qituvchi qanday tarbiya metodini qo’llagan? Bu metodning samaradorligi nimalarga bog’liq? Har doim ham ushbu metod samara beradimi?
O’qituvchi quyidagicha hikoya qiladi: O’g’lim (8 yosh) qorong’idan va balandlikdan qo’rqadi. Men imkon boricha uni ko’proq ana shu qo’rquvni yenga oladigan sharoitga qo’yaman: Goho ob-havo qandayligini bilib kelish uchun xovliga, goho go’yo esidan chiqqan narsani olib kelish uchun qorong’u xonaga yuboraman.
O’yin paytida ayrim paytlari chuqurlikka sakraymanda, “Daraxtning anavi novdasini menga olib ber. Uni emas, narigi, yuqoridagisini” deyman.
O’qituvchi to’g’ri qiladimi? Bu qanday tarbiya metodi? U nima uchun samarali?
Dars boshlanishidan oldin o’qituvchi yerda g’ijimlangan qog’oz parchasi yotganini ko’rib, bir o’quvchiga “qog’ozni ol”, deb murojat qildi. O’sha o’quvchi sekin partadan turib “men tashlamaganman, nega olarkanman” deb, yana joyiga o’tirdi.
O’qituvchi nima qilishi kerak? Sinfning ta’sirlanishi qanday bo’ladi va bu nimaga bog’liq?
Ko’p bolali oilaning otasi mamnun bo’lib hikoya qiladi: yer ag’darish biz uchun hech gap emas. 1-2 kg konfet, pechene sotib olib kelamanda, qani bolalar bu sizlarga, lekin oldin yerni chopib beringlar, deyman.
-Bolalar konfetsiz yer ag’darishmaydimi, - so’radik biz.
Ota qo’llagan rag’batlantirish usuliga qanday baho berasiz?
4-sinf o’quvchisining onasi hikoya qiladi: Avvalari o’g’limning hamma ishi joyida edi. Men ishlamasdim, unga ko’p vaqt ajratdim. Ishga kirganimdan so’ng ”ikki baholar” ola boshladi. Kechqurun darsini tekshirsam, topshiriqlarning bir qismi bajarilmagan, bajarilgani esa iflos, tushunarsiz bo’lgani uchun uni qayta ko’chirish kerak. Lekin qachon ulguradi. Uxlash vaqti bo’lib qolardi.
Ota-onaning xatosi nimada. Siz qanday yo’l tutardingiz?
