| ƏRAZİ ZƏBT ETMƏK
İbn Ömər - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Kim haqqı olmayan bir torpaq parçasını alsa (zəbt) etsə Qiyamət günü yeddi qat yerin dibinə keçirilir»815. Yəla b. Mərra - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Kim bir qarış torpağı belə haqqı olmadan alarsa yeddi qat yerin dibinə qədər torpağı qazmaqla əmr ediləcəkdir. Sonra Allah Qiyamət günü insanlar arasında hökmünü verənə qədər Allah o torpağı həmən şəxsin boynuna yükləyəcək (keçirəcək)»816. Əli - radıyallahu anhu – rəvayət edir ki, Peyğəmbər – sallallahu aleyhi və səlləm – mənə dörd şeyi buyurdu: «Allah lənət etsin ərazilərin sərhədlərini dəyişdirən kimsəyə»817. Səid b. Zeyd - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Kim bir parça ərazini yolu ilə alarsa, qarşılığında Qiyamət günü yeddi qat yer onun boynuna dolanacaqdır»818. İbn Həcər – rahmətullahi aleyhi - Xattabi – rahmətullahi aleyhi - dən rəvayət edir ki: «Boynuna dolanacaqdır – ifadəsinin iki mənası vardır: Birinci – Bu şəxs Qiyamət günü haqsız yerə aldığı yeri məhşərə daşımaqla yükümlü olacaqdır və beləcə o yer onun boynunda halqa kimi olacaqdır. İkinci – yeddi qat yerin dibinə keçirilməklə cəzalandırılacaqdır. Hər yer qatı onun boynuna halqa şəkilində keçiriləcəkdir».
Dostları ilə paylaş: |
