2-Cİ NƏŞR Əlavə VƏ DÜZƏLİŞLƏR

UŞAQLARA HƏDİYYƏ VERMƏKDƏ ƏDALƏTLİ OLMAMAQ

İnsanlardan bir çoxları uşaqlarına hədiyyə verməkdə, geyimdə və s. birini digərindən üstün tuturlar. Bu əməl şəriət ilə yol verilməzdir. «Ədalətli olun. Bu təqvaya daha yaxındır. Allahdan qorxun». (əl-Maidə 8). Numan b. Bəşir - radıyallahu anhu – rəvayət edir ki, atam məni Peyğəmbər – sallallahu aleyhi və səlləm – in yanına gətirərək dedi: «Mən bu oğluma bir kölə bağışlamışam. (Zövcəm) Amra b. Rəvaha sənin bu əmələ şahidliyini istəyir». Peyğəmbər: «Eynisini digər uşaqlarına da bağışlamısanmı?» deyə buyurdu. Atam: «Xeyr» dedikdə Peyğəmbər: «Onu geri al!» deyə buyurdu (Başqa rəvayətdə: Allahdan qorxun və övladlarınızla ədalətlə rəftar edin)»⁸²⁶. Peyğəmbər – sallallahu aleyhi və səlləm – buyurdu: «Belə olduqda məni şahid tutmayın. Çünki mən haqsızlığa şahidlik etmirəm (Başqa rəvayətdə: Bu uşağda arzu etdiyin yaxşılığın bənzərini digərlərindən də arzu etməzsənmi?) (Başqa rəvayətdə: Bütün uşaqlarının sənə qarşı yaxşı davranmaq xüsusunda bərabər olmaları səni sevindirməzmi?)»⁸²⁷.