2-sinf uchun ona tili fanidan dars ishlanmasi Sana : Mavzu: Bir mavzuga oid rasmlar yordamida hikoya tuzish va yozish. Darsning maqsadlari: a) ta`limiy: bir mavzuga oid rasmlar yordamida hikoya tuzish va ma’lum tayyorgarlikdan so`ng uni yozish ko`nikmasini shakllantirish. Nutqiy, lingvistik, sotsiolingvistik, pragmatik kompetentsiyalar b) tarbiyaviy: so`zlarning ma`nosini anglas, ularda to`g`ri va chiroyli, xatosiz, talaffuz qilish tushunchasini hosil qilish; d) rivojlantiruvchi: mavzu asosida olgan bilimlarni mustaqil qo`llay bilish qobiliyatini shakillantirish va rivojlantirish. Dars uslubi: Ko`rgazmali, amaliy, aralash. Dars jihozlari: Ona tili, odobnoma kitoblari, , rasm va boshqotirmalar, magnit taxtasi, aql mashqlari, “Sehrli parda” didaktik o`yini, magnit tasmasi. Darsning borishi: I-BOSQICH: Darsni tashkil qilish jarayoni . Tashkiliy qismda O`quvchilar bilan salomlashib, davomat aniqlanadi. O`qituvchi: Aziz bolajonlar, bilimga tashna qalblar. Qani ayting-chi, hozirgi darsimiz qanday dars? O`quvchilar: Hozirgi darsimiz bizga ko`p bilim beruvchi ona tili darsidir. O`qituvchi: Ona tili darsida nimalarni O`rganasiz? O`quvchilar: Ona tilim, jonu dilim, O`rgatadi O`z tilim. Chiroyli va xatosiz, Yoz deydi ona tlim. II-BOSQICH: O‘tilgan va uyga berilgan mavzuni so‘rash, takrorlash jarayoni O`qituvchi: Keling, tabiat taqvimi haqida suhbat o`tgazaylik. Hozirgi faslimiz bahor fasli. bahor kunlari haqida nimalarni bilasiz? Bu haqdagi javoblar eshitiladi. O`quvchilar tabiat taqvimini mustaqil belgilaydi. “Aytilishida tushib qoladigan undoshlar” mavsusi bo`yicha suhbat o`tkaziladi. Uyga vazifa didaktik materiallar orqali so`rab baholanadi. Sinf 3 ta guruhga bo`linadi. Guruhlarga nom berilib, savol yozilgan bittadan bayroqcha rasmi tarqatiladi. D, T undoshlari haqida og`zaki savol-javob O`tkaziladi, kichik rebus to`ldiriladi.
