| (**).4.Radiasiya təhlükəsizliyi
Radiasiya təhlükəsizliyi – insanın bütövlükdə populyasiyanın, ətraf mühitin obyektlərinin ionlaşdırıcı şualanmanın zərərli təsirlərindən qorunmasını təmin edən elmi əsaslanmış tədbirlər kompleksidir. Bu tədbirlər insan fəaliyyətinin müxtəlif sferalarında ionlaşdırıcı şualanma mənbələrinin və atom enerjisinin təhlükəsiz şəraitdə istifadəsinin yaradılmasına istiqamətlənib.
Radiasiya təhlükəsizliyinin əsas vəzifələrindən biri ionlaşdırıcı şualanmanın müxtəlif formalarının təhlükəsizliyinin qiymətləndirilməsi kriteroyalarının işlənib hazırlanmasıdır. Bu radiobioloji eksperimentlərin nəticələrinin analizi yolu ilə həll edilir və burada məqsəd ionlaşdırıcı şualanmanın müxtəlif formalarının canlı orqanizmə, ayrı-ayrı sistemlərə təsirini öyrənmək və eyni zamanda radiasiya qəzaları zamanı və ya ionlaşdırıcı şualanmanın təsiri altında işləyən sağlam insanın vəziyyəti haqqında məlumat almaqdır. Burada daha çox əhəmiyyətli olan məsələ, ionlaşdırıcı şualanmandan şərtlənən effekt və şualanmanın səviyyəsi arasında kəmiyyət əlaqələrinin qurulmasıdır.
Dostları ilə paylaş: | 
