13 Tá quén i şangasse quente senna: “*Peantar, queta hánonyanna i mauya sen anta nin masse i *aryoniesse!” 14 Quentes senna: “A nér, man ni-panyane namien let hya etsatien lent *aryoniesta?” 15 Tá quentes téna: “Cima ar á varya inde ilya milciello, an yando íre quén same úve, coivierya ua tule armaryallon.” 16 Ente, quentes téna sestie, quétala: “I nóre lárea nerwa antane hoa yávie. 17 Ar carnes úvie sámaryasse, quétala: 'Mana caruvan, sí ire penin nóme yasse polin hosta yávienya?' 18 Ar quentes: 'Caruvan sie: Nancaruvan hauranyar, ar carastuvan haurali hoe lá tai, ar tasse hostuvan ilya orenya ar ilye máre natinyar; 19 ar quetuvan imninna: 'Sí samil rimbe máre natali haurasse rimbe loalin. Sera, mata, suca, sama alasse!'
