55 ve nyarnes atarilvain, Avrahámen ar nosseryan, tennoio.” 56 Ar María lemyane as Elísavet *os astari nelde. Tá nanwennes coaryanna.
57 Elisavéten túle i lúme colien lapserya, ar colles yondo. 58 Ar i armaror ar nosseryo queni hlasser i sen-antane i Héru túra oravie, ar anelte mi alasse óse. 59 Ar i toltea auresse túlelte *oscirien i hína, ar estumneltes ataryo essenen, Secaría. 60 Mal amillerya hanquente ar eque: “Vá, mal esserya nauva Yoháno.” 61 Tá quentelte senna: “Ea *úquen nosselyasse ye same esse tana.” 62 Tá cestanelte hanquenta i atarello hwermelínen, mana esse mernes i hínan. 63 Ar arcanes *palma ar tence: “Esserya ná Yoháno.” Ar illi mici te náner elmendasse.
