17 Mal íre nanwennes laicenna quentes: “Ilye i paityane queni i molir atarinyan samir úve massava, íre inye quéla saicelénen! 18 Ortuvan ar lelyuvan atarinyanna, ar quetuvan senna: Atar, úacárien menelenna ar tyenna. 19 Uan valda en náven estaina yondotya, mal áni care ve er i paityane quenion i molir tyen.'
20 Ar orontes ar túle ataryanna. Íre en anes haiya, i atar cenne se, ar endarya etelende senna, ar nórala senna lantanes axeryanna ar minque se. 21 Mal i yondo quente: 'Atar, úacárien menelenna ar tyenna. 22 Uan valda en náven estaina yondotya. Áni care ve er i paityane quenion i molir tyen.' 23 Ono i atar quente núroryannar: 'Lintave, á tala colla, i arya, ar ása panya sesse, ar á panya corma máryasse ar hyapat taluryatse, 23 ar á tala i maitana nessa mundo, áse nahta ar alve mate ar same alasse! 24 An yondonya sina náne qualin ar enutúlie coivienna; anes vanwa ar anaie hírina!' Ar *yestanelte same alasse.
