34 Yésus quente téna: “Randa sino hínar veryar ar nar vertaine, 35 mal i nar nótine valdie enta randan ar i *enortalen qualinillon uar verya hya nar vertaine. 36 Ente, ualte pole ambe quale, an nalte ve valar, pan nalte Eruo híni návenen i *enortaleo híni. 37 Mal yando Móses tanne qualini nar ortaine, i nyarnasse i neceltusso, íre estas i Héru Aino Avrahámo ar Aino Ísaco ar Aino Yácovo. 38 Uas qualinion Aino, mal coivearon, an illi mici te nar coivie sen.” 39 Hanquentasse quelli i parmangolmoron quenter: “*Peantar, carampel mai!” 40 An ualte ambe varyane maquete senna erya maquetie.
