48 Mal Yésus quente senna: “Yúras, ma *vartal i Atanyondo miquenen?” 49 Íre i queni óse cenner ya martumne, quentelte: “Heru, ma petuvalme i macilden?” 50 Ar quén mici te pente i héra *airimo mól ar aucirne forya hlarya. 51 Mal hanquentasse Yésus quente: “Lava yando si marta!” Ar appanes i hlas ar nestane se. 52 Yésus tá quente i hére *airimonnar ar i cordahestannar ar amyárannar i náner túlienwe tar mapien se: “Ma etutúlielde arwa macillion ar rundalion, ve arponna? 53 Aure apa aure engen aselde i cordasse, ar ualde panyane máldat nisse. Mal si ná *lenya lúme, ar mornie ture.”
