3 Mal Piláto maquente senna: “Ma elye aran Yúraron ná?” Hanquentasse eques: “Elye quete sa.” 4 Mal Piláto quente i hére *airimonnar ar i şangannar: “Uan hire ongwe atan sinasse.” 5 Mal té ninder se, quétala: “Valtas i lie, peantala ter i quanda Yúrea, ar apa *yestie Aileasse utúlies yando sir!”
6 Ono Piláto, íre hlasses ta, maquente qui i atan náne Alileallo. 7 Ar apa sintes i é anes Herolo araniello, se-mentanes Herolenna, pan yando sé náne Yerúsalemesse yane auressen. 8 Mal Herol, íre cennes Yésus, sáme túra alasse, an nóvo andave mernes velitas, apa hlarie pa se, ar sámes i estel i cenumnes tanwa martea sénen. 9 Maquentes senna rimbe maquetier, ono sé hanquente sen munta.
