8 Ar enyallelte quetieryar, 9 ar nanwennelte i noirillo ar nyarner ilye nati sine i minquen ar ilye i exin. 10 Anelte María Mahtaléne, ar Yoanna, ar María amil Yácovo. Yando i hyane nissi aselte nyarner i apostelin nati sine. 11Mal quetier sine şéner tien ve *aucie, ar ualte sáve ya i nissi quenter.
12 Mal Péter oronte ar norne i noirinna, ar cúnala ompa cennes i vaimar erinque. Tá lendes oa, elmendasse pa mana náne martienwa.
13 Mal yé! i imya auresse atta mici te nánet tiettasse mastonna estaina Emmaus, lár atta ar canasta Yerúsalemello, 14 ar quequentette quén as i exe pa ilye nati sine yar náner martienwe.
