8 Íre cennes ta, Símon Péter lantane undu epe Yésuo occat, quétala: “Á auta nillo, an nanye *úcarunqua nér, Heru!” 9 An i mapiénen lingwilíva anes pétina elmendanen, sé ar illi i náner óse, 10 ar yando yúyo Yácov yo Yoháno, yondoryar Severai, i nánet *rantarwali as Símon. Mal Yésus quente Símonna: “Áva ruce! Ho sí mapuval atalli coirie.” 11 Ar tulunelte i lunti norenna ar hehtaner ilqua ar hilyaner sé.
12 Ar íre anes mi er i ostoron, yé! nér quanta helmahlíveo. Íre cennes Yésus lantanes cendeleryanna ar inque sello, quétala: “Heru, qui meril, polil poita ni!” 13 Ar *eterahtala máryanen Yésus se-appane, quétala: “Merin! Na poitaina!” Ar mí imya lú i helmahlíve váne sello. 14 Ar cannes i neren: “Nyara *uquenen, mal á auta ar tana imle i *airimon, ar ve Móses canne cara *yanca poitielyan, ve *vettie tien.”
