21 Ar i parmangolmor ar i Farisar *yestaner sana, quétala: “Man ná nér sina ye quéta naiquetiéli? Man lerta apsene úcari hequa Eru erinqua?” 22 Mal Yésus, tuntala sanweltar, quenter hanquentasse téna: “Pa mana sánealde endaldassen? 23 Mana i ambe *ascare: quetie 'Úcarelyar nar apsénine lyen' hya quetie: 'Á orta, mapa caimalya ar mena coalyanna.' 24 Mal istieldan i same i Atanyondo túre cemende apsenien úcari –” quentes i *úlévima nerenna: “Quetin lyenna, á orta ar mapa ama caimalya ar mena coalyanna.” 25 Ar mi imya lú orontes epe te, nampe ama ta yasse yá caines, ar lende coaryanna antala alcar Erun. 26 Tá illi mici te náner ara inte, ar antanelte alcar Erun ar náner quátine caureo, quétala: “Ecénielve elmendali síra!”
