10Ar apa yentes illi mici te, quenello quenenna, quentes i nerenna: “Á rahta mályanen!” Carnes sie, ar márya náne envinyanta. 11 Mal anelte quátine urşanen, ar quentelte pa mana carumnelte Yésun.
12 Túle ente auressen i lendes ama mir i oron hyamien, ar lemnes tasse ter i lóme, hyamiesse Erunna. 13 Mal íre aure túle, yalles hildoryar ar ciller ho mici te yunque, i yando estanes aposteli: 14 Símon, ye yando estanes Péter, ar Andréo hánorya, ar Yácov and Yoháno, ar Filip ar Varşoloméo 15 ar Mattéo ar Şomas ar Yácov yondorya Alfaio, ar Símon ye ná estaina i Selot, 16 ar Yúra yondorya Yácov, ar Yúras Iscariot, ye *vartane se.
17 Ar túles undu aselte ar tarne palaresse, ar enge hoa liyúme queniva ho i quanda Yúrea ar Yerúsalem ar ho i earménar *os Tír ar Siron, i túler hlarien se ar náven nestaine hlíveltaron. 18 Yando i náner *tarastaine lo úpoice faireli náner nestaine. 19 Ar i quanda şanga cestaner appa se, an túre lende et sello ar nestane illi mici te.