Apa telyanes ilye quetieryar íre i lie lastane, lendes mir Capernaum. 2 Mal *tuxanturo mól, ye náne melda sen, náne nimpa ar hare effírienna. 3 Íre hlasses pa Yésus, mentanes senna amyárali i Yúraron arcien sello tule ar etelehta mólya. 4 Tá i túler Yésunna carner arcande sello ar quenter: “Náse valda i caril nat sina sen, 5 an melis nórelva, ar sé carastane men i *yomencoa.” 6 Ar Yésus lende aselte. Mal íre únes haira i coallo, i *tuxantur nóvo mentane meldoli quetieltan senna: “Heru, áva *tarasta imle, an uan valda i tulil nu tópanya.
