21 Lúme yanasse nestanes rimbali, leryala te hlívellon ar perperiellon ar olce fairellon, ar rimbe *cénelóralin tyarnes *céne. 22 Ar hanquentes túna: “Á auta, nyara Yohánon ya cennette ar hlassette: I *cénelórar camir *céne, i helmahlaiwar nar poitaine ar i penner hlarie hlarir, i qualini nar ortaine, ar valima ná ye ua hire nisse casta taltiéva.”
24 Apa i neri mentaine lo Yoháno oanter, *yestanes carpa i şangannar pa Yoháno: “Mana lendelde mir i erume yétien? Lisce lévala i şúrinen? 25 Lá, mana etelendelde cenien? Nér arwa mussi lannion? Yé, i arwar mussi lannion ear coassen araniva! 26 Mal mana castalda etelelien? Cenie Erutercáno? Ná, quetin lenna, ar ambela Erutercáno!
