36 Quén imíca i Farisar arcane i Yésus matumne óse, ar túlala mir coa i Farisava caines undu ara i sarno. 37 Ar yé! nís ye náne sinwa i ostosse ve *úcarinde parne i enges ara i sarno coasse i Farisava, ar mancanes insen ondocolca níşima milleo, 38 ar tárala níressen ca Yésus ara talyat, i nís *yestane care talyat mixe níreryainen ar *aupsarne tai caryo findelénen, ar minques talyat ar *líve tu i níşima millonen. 39 Cénala ta, i Farisa ye yalle Yésus quente insenna: “Nér sina, qui anes Erutercáno, istumne man ar mana nostaleo ná nís sina ye appea se – i náse *úcarinde!” 40 Mal hanquentasse Yésus quente senna: “Símon, samin nat ya merin quete lyenna.” Eques: “*Peantar, queta sa!”
