6 Exeli lantaner i ondonna, ar apa tuianelte hestanelte, peniénen nén. 7 Exeli lantaner imíca i neceli, ar i neceli i aller ama aselte quorner te. 8 Exeli lantaner i mára cemenna, ar apa tuianelte carnelte yáve, napánine lestar túxa.” Apa nyarie nati sine, yámes: “Nai ye same hlaru hlaruva!”
9 Mal hildoryar maquenter senna: “Mana tea i sestie?” 10 Eques: “Elden ná antaina ista Eruo araniéno fóler, mal i exin nas sestiessen, tyárala te yéta ú ceniéno ar hlare ú haniéno. 11 Si ná ya tea i sestie: I erde ná Eruo quetta. 12 I nar ara i malle nar i ahlárier; tá i Arauco tule ar mapa oa i quetta endaltallo, pustien te saviello ar návello rehtaine.
