36 I cenner sa nyarner tien manen i raucoharyaina nér náne rehtaina. 37 Ar i quanda liyúme i *oscaitala nóriello Erasenyaiva arcaner sello i autumnes tello, an anelte mapaine túra ruciénen. Tá lendes mir i lunte ar cirne oa. 38 Ono i nér et yello i raucor náner túlienwe inque i lavumnes sen lemya óse. Mal mentanes i nér oa, quétala: 39 “Nanwena marelyanna, ar nyara pa i nati yar Eru acárie lyen.” Ar lendes oa ter i quanda osto, cárala sinwa ilqua ya Yésus carne sen.
40 Íre Yésus nanwenne, anes cámina lo i şanga, an illi *lartaner sen. 41 Mal yé! nér estaina Yairo túle, ar sé náne i turco i *yomencavo. Ar lantanes undu epe Yésuo occat ar arcane sello i tulumnes coaryanna, 42 an enge óse yelde, erya hínarya, ye sáme *os loar yunque, ar sé náne hare qualmenna.
