4 Mal íre lelyalde mir coa, á lemya tasse ar á auta talo. 5 Ar mi ilya nóme yasse queni uar cime le, íre autealde sana ostollo á pala i asto taluldalto ve *vettie tien.” 6 Tá, etelelyala, lendelte ter i ména mastollo mastonna, cárala sinwa i evandilyon ar nestala queni ilya nómesse.
7 Sí Herol i *canastantur hlasse pa ilqua ya martane, ar anes rúcina, pan náne quétina lo quelli i Yoháno náne ortaina et qualinillon, 8 mal lo exeli i Elía náne túlienwa, mal lo exeli i náne ortaina er imíca i enwine Erutercánor. 9 Eque Herol: “Yoháno cas aucirnen. Man, tá, ná quén sina pa ye hlarin taiti nati?” Ar cestanes velitas.
