23 Tá quentes: “Qui aiquen mere tule apa ni, mauya sen váquete insen ar orta tarwerya ilya auresse ar hilya ní. 24 An aiquen ye mere rehta cuilerya, sen nauvas vanwa, mal aiquen yeo cuile ná vanwa márienyan, sé rehtuva sa. 25 É manen ná aşea atanen qui ñetis i quanda mar, mal véra quenerya ná sen vanwa hya nancarna? 26 An aiquen ye ná *naityana inyenen ar quettanyanen, sénen i Atanyondo nauva *naityana íre tuluvas alcareryasse ar mí Ataro ar i airi valion alcar. 27 Mal quetin lenna nanwiesse: Ear quelli i tarir sisse i uar tyavuva qualme nó cenuvalte Eruo aranie.”
