37 I hilyala auresse, íre túlelte undu i orontello, hoa şanga velle se. 38 Ar yé! nér yáme et i şangallo, quétala: “*Peantear, iquin lyello i cenil yondonyanna, an náse erya hínanya, 39 ar yé! rauco mapa se, ar rincenen yamis, ar tyarises rihta ar falasta, ar urdave autas sello apa harnie se. 40 Ar inquen hildolyallon i et-hatumner i rauco, mal ua ence tien.” 41 Hanquentasse Yésus quente: “A úvoronda ar rícina *nónare, manen andave mauyuva nin lemya aselde ar cole le? Á tulya yondolya sir!” 42 Mal íre en anes túlala hare, i rauco hante se i talamenna ar tyarne se rihta. Ono Yésus naityane i úpoica faire ar nestane i seldo ar se-antane ataryan. 43 Ar illi náner elmendasse pa Eruo meletya túre.
